Religion: Syedna Husain Radi ALLAH Taala Hanho

Syedna Husain Radi ALLAH Taala Hanho

(Bakhtiar Nasir, Lahore)

Tareekhe Islam Main Jo Naam Sadyun Say Jagmaga Raha Hay Aur Taa Abad Jagmagata Rahay Ga Woh Paghambare Azam Hazrat Muhammad (P.B.U.H) Kay Chaheetay Nawasay Syedna Husain Radi Alaah Taala Hanho Ka Hay. Aap Nain Zulmo Jabr Kay Saamnay Jukhnay Say Inkaar Kya Aur Is Zimn Main Sar Katana To Gawara Kar Lia Magar Apnay Moqaf Par Qaim Rah Kar Himmat O Istaiqamat Ki Aik Lazawal Misaal Qaim Ki.

Kufa Kay Logon Nay Bad Ahdi Ki Aur Aap Ka Saath Chor Dya Magar Phir Bhi Aap Nain Apnay Mojuda Jaan Nisaroon Say Yahi Kaha Kay Un Main Say Agar Koi Unhain Chorna Chahta Hay To Us Ko Ijazat Hay. Magar Chashmay Falak Nay Dekha Kay Jin Kay Jazbay Sadiq Thay Woh Akhir Dam Tak Datay Rahay Aur Tareekh Main Apnay Namoon Ko Amar Kar Liya. Barkhalaf Is Kay Mukhalif Quwatton Kay Log Jo Agarchay Kehno Ko Musalman Thay Magar Un Ko Aab Tak Mallamat Aur Nafrat Ka Nishana Banaya Jata Raha Hay Aur Qiamat Tak Yeh Sissilla Chalta Rahay Ga.

Allam Iqbal Nay Kya Khub Khiraje Aqeedat Paish Kya:-

Insaan Ko Baidar To Ho Lainay Do

Har Qaum Pukaray Gi , Hamaray Hain Husain

Waisy Bhi Iman Ka Taqaza To Yehi Hay Kah Sihabay Kiraam Aur Ahle Baite Tahaar Say Bughaz Rakhnay Ki Bajay Un Ki Muhabbat Aur Taalimaat Ko Apni Zindage Kay Mission Main Shamil Kya Jay Taakay Islam Ham Say Jis Amali Paikar Ka Taqaza Karta Hay Us Par Ham Puray Utar Sakain.